مرحبا بكم في دولة البيادة
سيلين سارى
السيسي يضاعف قرض البنوك الإماراتية إلى 2 مليار دولار
ويتولى بنك«أبو ظبى الأول» ترتيب التسهيلات الائتمانية لمدة عام فقط
ويأتي القرض لتغطية ارتفاع نفقات الدولة ما أدى إلى إضافة أعباء لم يكن مخططاً لها على موازنة الدولة.
كده انتهى الخبر نحاول نحلل ببساطة الكارثة اللي فاتت
_قرض 2مليار لمدة سنة في ظل دولة لغايت الان لم تستطع وضع خطة لمواجهة الاعباء الاقتصادية لفيروس كورونا اللي معانا بقاله سنتين تفتكروا خلال سنه هتعرف تنجح في اللي فشلت فيه من سنتين؟
الاجابة اكيد لا طيب ولما ما تقدرش تسد القرض الحل ايه طبعا الحل جوة الصندوق(السيادي) والله اعلم السيسي هيمد ايده يطلع ايه يديه للامارات مقابل القرض ده
-بيقولك القرض لتغطية ارتفاع نفقات الدول! ارتفاع نفقاتها في ايه حضرتك؟
اكيد مش في التعليم اللي عنده عجز بالمدرسين وبيطلب متطوعيين بلا اجر
اكيد مش بقطاع الصحة اللي بتتباع مستسفياته الحكومية واللي باقي منها تقريبا عايش على الجهود الاهلية والشحاته بطلب التبرعات
مش الصناعة لانهم باعو المصانع
مش في الزراعة لانهم باعوا النيل واخذوا المزارع النموذجية والجيش هيحولها عقارات
نفقات الدولة
زادت بسبب قصور الدولة الجديدة
زادت بسبب الطائرات الخاصة
زادت بسبب مشروعات السبوبة المتمثلة في الكباري
النقطة الاخطر (انخفاض مواردها نتيجة تأجيل بعض الضرائب وتأثر الحصيلة الجمركية فضلاً عن تراجع إيرادات السياحة وتحويلات العاملين فى الخارج، ) الحكومة بتعترف ان موارد الدولة قائمة على الضرائب والجمارك وتحويلات العاملين بالخارج
يعني الشعب هو اللي بيأكلهم وهو جعان ومعيشهم في قصور وهو عايش في الشوارع والعشوئيات
وبيعلم اولادهم بالمدارس والجامعات الخاصة ومدارسه فيها عجز مدرسين واولاده مش لاقين مكان جوه فصل اشبه بعلبة السردين
اما الحصيلة الجمركية فلازم تقل لان السيسي ما ترك رجل اعمال ناجح الا واخد فلوسه وسجنه بحجه انه اخوان
دول العالم بتصنف على انها اما دول زراعية او صناعية او تجارية
انما البلد اللي معتمدة على الجباية دي تسمى دولة ايه؟
طيب فكروا برة الصندوق السيادي شوية لما يخلص اللي جواه من كنوز سيسي بابا العصابةالتي لا تستحق واشترت ممن لا يملك هتخليكم انتم كشعب في ممتلكاتها تهبب بيكم ايه؟ هتروحوا فين؟
هيعمل فيكم ايه؟
مرحبا بكم في دولة البيادة
ليست هناك تعليقات:
إرسال تعليق