رسالة الطفل المعتقل صهيب إلى أهله؟
بعث الطفل صهيب عماد الطالب بالصف الأول الثانوي الذي اعتقلته قوات الأمن المصرية من منزله لحيازته جهاز "لاب توب"، رسالة إلى أهله، جاء فيها:
( بسم الله الرحمن الرحيم )
" اذا أحب الله عبدا ابتلاه "
ازيكم و يا رب تكونوا بخير دايما أنا الحمد لله بحاول أنسي و أسامح أى حد زعلنى ف حاجة قبل كده علشان المسامح كريمو ان شاء الله محدش يكون زعلان منى : ) وأى حد زعلان منى أحب أقوله "انا اسف " لكن الناس اللى بتكرهنى أصلا انا بتجاهلهم تماما علشان مش بيواجهونى بالكلام و بيتكلموت من ورايا
أنا بقيت بصلي كل الصلوات في وقتها و بقرأ كل يوم ورد قرآن #ياواد_يامؤمن
انا الحمد لله بقيت كويس و المكان اللى انا فيه كويس و الناس كويسين و بنتعامل كويس علشان محدش قادر علينا أصلا
انا حاليا قاعد فى قسم تانى و احتمال كبير أروح دكرنس بس اطمنوا "محدش قدنا و معانا ربنا " بس هيحصل اللى انا خايف منه او اللى كنت بخاف منه ::: هحلق شعرى : ( : ( : (
انا سمعت ان انا اتسيط و بقيت سوابق سوابق و القضية بتاعتى اتشهرت أحب اقولكم " تسلم الايادى "
و خليكو صامدين و حلوين كده علشان اجيب ليكو توفى وانا راجع
.... يا ما في السجن مظاليم ....
الخطاب
ليست هناك تعليقات:
إرسال تعليق