يعني إيه #‏ انتفاضة_الشباب_المسلم؟

يعني إيه #‏ انتفاضة_الشباب_المسلم؟

*المستشار وليد شرابي

يعني ببساطة شباب حزين على حال البلد، وأمهات حزينة على أولادهم الذين حرقوا في أتوبيس المدرسة، وفلاح غلبان تعب علشان يعلم ابنه ويدخله كلية الحقوق، والولد أصبح فالح ومتفوق، لكنهم رفضوا يعينوه في النيابة علشان أبوه فلاح شريف.

ويعني سواق ميكروباص رفعواعليه سعر البنزين، وظلوا يأخذوا منه الإتاوة، ويعني ناس زعلانة على واحده ست ذهبت للولادة، لكن المستشفى رفضتها، وولدت في الشارع.

ويعني أهالي من سيناء في غضب شديد بسبب تهجيرهم من بيوتهم بعد ما الجيش دمرها وطردهم منها، ويعني بائع غلبان صادرت البلدية بضاعته، وقطعوا أكل عيشه، وعياله جعانين.

ويعني أب صعبان عليه ولاده وهم يدرسون تاريخا مزورا أبطاله حشاشين، ويعني فقير أخذوا منه دعم التموين،  وآخر بيأخذ من الحكومة زيت الأكل في أكياس. ويعني طفل مولود خرج للدنيا لقى أمه "متكلبشة" في السرير.

ويعني ضابط جيش شريف أمروه أن يقتل أهله وناسه فخاف من قيادته في الدنيا، وخاف من عذاب ربنا في الآخرة، وعايش حياته في حيرة.

ويعني عسكري مقهور دخل الجيش لقى نفسه الصبح بيغسل غيارات وبدلة الباشا، والعصر بيجيب الطلبات لمدام القائد، وبالليل الضابط وأصحابه بيتسلوا عليه، ويشتموه في عرض أمه ويقعدوا يضحكوا عليه طول الليل.

ويعني ضابط شرطة محترم رفض يظلم  أي أحد، وعارف إنه طالع معاش في أقرب حركة تنقلات أو حيروح يشتغل في أقذر مكان في وزارة الداخلية.

ويعني طالبة محترمه خطفها الأمن من الجامعة، وقعدت في الحجز كام شهر، وبعدين روحت البيت وهي حامل.

ويعني عيال صغيرة أبوهم مريض بالسرطان، والأمن قبض عليه علشان خطر على الأمن القومي، وبعد كام يوم راحت العيال تستلم جثة أبوهم من السجن.

ويعني شباب بيحبوا الكرة وبقالهم سنين مش عارفين يرحوا يتفرجوا على مباراة في الاستاد ، ويعني شباب مش إسلامي حبسوه في السجون لأنه ثار يوم 25 يناير.

ويعني ناس من دلجا وكرداسة والمطرية وعين شمس وحلوان والمعادي وسيناء وأبو كبير ... وغيرها فاض بهم الكيل من اللي بيحصل معاهم من يوم الانقلاب في 3 يوليو 2013 لغاية النهارده.

ويعني ناس ولادها قتلت ولها ثار، ويعني طلبة وطالبات الجامعة في سوهاج اللى دم زملائهم لسه على الأسفلت.

ويعني عمال المصانع الذين أغلقت، ويعني الرجالة الذين لا يجدون عملا، ويعني أصحاب أراضي زراعية لا يحصلون على المياه  الكافية لأرضهم علشان دخلنا مرحلة اسمها الفقر المائي.

ويعني أهالي مروعبة لأنهه خائفين على أولادها في الجيش والشرطة، من قتل قد يأتيهم ولا يعرفون القاتل الحقيقي لهم.

ويعني ألفة ومحبة بين المسلم والمسيحي لازم ترجع زي ما كانت.

ويعني كل واحد تعبان من حكم العسكر وأصابه الأذى أيام موقعة الجمل، ومحمد محمود، والمجمع العلمي، ومجلس الوزراء، وماسبيرو، ورابعة والنهضة، ورمسيس، و6 أكتوبر، ويعني المصليين الذين تم حصارهم في جامع الفتح في رمسيس وجامع القائد إبراهيم في الإسكندرية.

وباختصار ... الجيل ده بيقرر، والشباب ده بغير، والوطن ده بيتحرر. 

*المتحدث باسم حركة قضاة من أجل مصر
#‏وليد_شرابي