فيض المشاعر
|
ليه كده يا مرسي
|
أخت الريس تموت في مستشفى حكومي والبلد محرومة من سيدة أولى!!
مبارك صنيدح
ليه مزعل جبهة الإنقاذ والفلول منك ياسيادة الريس..مافيش حد عملها قبلك
تصلي إماماً بالمسؤولين والموظفين بقصر الاتحادية
وتصلي الفجر في التجمع الخامس جنب شقتك الإيجار وتخطب في المساجد
وتصلي الجمعة معاهم..
الريس مبارك لم يُر في الصلاة إلا في المناسبات الدينية بس وحكم 30 سنة.
وبعدين ابنك بيشتغل في السعودية واختك تموت في مستشفى حكومي واخوانك
فلاحين في مزارعهم (الأقربون أولى بالمعروف)..
جمال وعلاء مبارك أرصدتهم بالمليارات.. وزوجتك في البيت وحرمت مصر من لقب
سيدة مصر الاولى المتعودين عليها نصف قرن..عدل ده يا مرسي.
وليه متحمل الاهانة يا سيادة الريس، شتم في الصحف والقنوات الفضائية
وبرامج ساخرة ليس لها من شغل سوى التهكم والسخرية من سيادتك..
وقصرك في الاتحادية كل يوم يتهجمون عليه شخبطوا على جدرانه
ورموا المولوتوف داخل القصر وانت صابر وبس قنابل دخانية ومسيلة للدموع..
تفتكر لو كانوا في عهد مبارك عمل فيهم ايه يا مرسي؟!
وليه منعت تعليق صورتك في المؤسسات الحكومية.. وألغيت التهاني لك
في المناسبات والأعياد في الصحف علشان توفر 500 مليون جنيه
لخزينة الدولة..
والرئيس المخلوع متهم بأنه سرق مليار جنيه من خزينة الدولة علشان يبني
قصور له ولابنائه.
وبعدين انت ماعملتش حاجة غير انك ألغيت الحكم العسكري وعزلت وزير الدفاع
ورئيس الاركان ورئيس الحرس الجمهوري
وعزلت النائب العام المتهم بالفساد وعينت محافظين نظافاً من مختلف التيارات
السياسية بدل الحرامية وأتباع النظام المخلوع..
ووضعت دستوراً جديداً للبلاد يقلص من صلاحيات الرئيس وأصدرت قراراً لانتخابات
مجلس الشعب في نهاية ابريل
حتى تستكمل البناء الدستوري بمؤسسته التشريعية..
عرفت ليه جبهة الإنقاذ زعلانين يا مرسي؟!
عارف يا سيادة الريس ان البلطجية والحشاشين والخمورجية اللي مسكوهم
أمس في خيام ميدان التحرير ومعاهم خرطوش وقنابل
ومولوتوف بينفذوا أجندة جبهة الإنقاذ للخراب والفوضى لأنهم مرعوبين
من صندوق الاقتراع ورصيدهم صفر كبيرة..
إذا كان حزب الوفد المتأسس من الخمسينيات حصل في انتخابات مجلس الشعب
بعد الثورة على 35 مقعداً فقط..
طيب وباقي احزاب جبهة الإنقاذ اللي تأسست بعد الثورة حزب الدستور
والتيار الشعبي و6 ابريل.
حتحصل على كم مقعد يا سيادة الريس !
كمل مشوارك الإصلاحي يا سيادة الريس وجبهة الخراب جوابها عند الشعب
في صناديق الاقتراع لانتخابات مجلس الشعب في 23 ابريل..
وعالبركة مقدماً يا سيادة الريس.
مبارك صنيدح
|
|
ليست هناك تعليقات:
إرسال تعليق