نعمة الستر
من حكايات دكتور مصطفى محمود
من بين ما يرويه لنا الدكتور مصطفى محمود عن نعمة الستر يقول :كان فيه راجل بيبيع جرايد جنب حديقة الحيوانات بالجيزه كنت أمر عليه كل يوم بعد توصيل زوجتي للعمل أقف معاه شويه وبعدين أشتري منه الأهرام علشان أتعلم اسلوب الكتابه لكن علمني حاجة أهم من ذلك، هذا الراجل علمني درس مهم جدا للعمر.
لما كنت أسأله ازيك النهارده يقولي “في نعمة الستر”.
فاندهشت من الإجابة وسألته ليه الستر تحديدا ؟!
قال لي “لأني مستور من كله.” ستر ايه يا حج ده إنت البلوڤر بتاعك فيه رقعتين مختلفين اللون! فلما أحس بغبائي فبادر بالشرح ….
قال الستر ده أنواع :
*لما تكون مريض بس قادر تمشي على رجلك ده ستر من مذلة المرض .
*لما جيبك يكون فيه جنيه يكفيك تنام متعشي حتى لو عيش حاف ده ستر من مذلة الجوع .
*لما تكون تملك ملابس تحميك من البرد حتى لو مرقعة ده ستر من مذلة البرد .
*لما تكون قادر تضحك وانت حزين لأي سبب ده ستر من مذلة الكسرة .
*لما تكون قادر تقرأ الجريدة اللي في ايدك ده ستر من مذلة الجهل .
* لما تقدر تتصل فى أي وقت بأهلك تطمنهم عليك وتطمن عليهم ده ستر من مذلة الوحدة .
* لما تكون عندك أي وظيفة حتى لو بياع جرايد زي حالاتي بس مش بتمد ايدك لحد ده ستر من مذلة السؤال .
* لما يكون ابنك ربنا مبارك في صحته وتعليمه وبيته ده ستر من مذلة القهر .
* لما يكون عندك زوجة بنت حلال وشايلة الهم معاك ده ستر من مذلة كسرة الراجل قدام مراته .
الستر يا ابني مش ستر فلوس الستر ستر نفوس
تذكر إنك تملك نعم يتمناها ملايين البشر إنها نعمة الستر.
*جعلنا الله وإياكم من المستورين بستره الجميل*
*اللهم أدم علينا سترك دنيا وآخرة*
*اللهم استرنا بسترك الجميل في الدنيا والآخرة يا ستير
اللهم آمين يـــــــا رب العالميــــــن
ليست هناك تعليقات:
إرسال تعليق